حكاية ورد كامل بقلم روان حسن

ما بصيتيلي بيها انا قضيت معاكي خمس شهور و عشر أيام و انا بس بحاول اشوفها و جه هو بعد غياب سنين خدها كده بدون مجهود
انتي انتي متستاهليش اي حاجة و انا بجد ندمان اني عرفتك ف يوم 
لحد هنا و معرفتش اكمل سيبته و مشيت عشان ميقولش كلام يخلينا احنا الاتنين نندم
و رجعت البيت و نور رجعت بيتها بس المسافات مقدرتش انها تبعد بيننا
نورخلاص يا ورد
كفاية عياط بالله عليكي متوجعيش قلبي
ورد مش عارفة يا نور انا كارهة نفسي و كارهة اللي حواليا كنت مطفية و مفيش غيره استحملني ده انا حتي مكنتش بقوله كلام حلو ارد بيه عليه وحشني و وحشتني رسايله كل يوم الصبح و هزاره و ضحكته و هداياه وحشني انه مكنش بيحب يشوفني متضايقة كان بيعمل كل حاجة من غير مقابل و انا بس اللي كنت انانية اكيد من حقه يسيبني انا حتي عمري مسئلته عن يومه او شغله عيشت ف دور الضحېة لحد ما صدقته و في الآخر جيت عليه
اهدي طيب وكل حاجه ان شاء الله هتتحل و بعدين دي اول مشكله بينكم مينفعش تستسلمي كده دي الحياة مليانة مشاكل و لازم تواجهوها سوا سامعاني يا ورد سوا
عدي اسبوع من غير رسايله اللي كلها غزل و هزار من غير صوته وهو بيغنيلي عدي أسبوع من غيره
بعتله رسايل كتير مردش و اتصلت أكتر برده مردش بس الحمد لله انه كان ناضج كفاية انه ميعمليش بلوك لحد ما ف يوم لقيته منزل بوست أختي في المستشفى ادعولها كان لازم ابعت رسالة و انا عارفة انه مش هيرد بس من حقه عليا اني أاقف جمبه زي ما عمل معايا 
ف الواتساب كان اون لاين اكيد بيرد علي الناس 
ورد وليد 
وليدانا محتاجك اوي 
انت ف مستشفى ايه
انا جاية حالا
رحت و مسكت ايده خير ايه اللي حصل 
وليدكانت بتعدي الطريق وهي بتتكلم ف الفون عربية خبطتها وانا مليون مرة اقولها متعمليش الحركة دي وهي مش بتسمع كلامي لمه تفوق بس انا هوريها
شكلك بتحبها اوي
امم هي واحدة من أهم الناس اللي في حياتي
ومين هم أهم ناس ف حياتك
يعني عندك مثلا  
مكملش كلام لمه واحدة جات حضنته 
سارةوليد ألف الف سلامة عليها يا حبيبي ان شاء الله هتبقي بخير
وليدالله يسلمك يا حبيبتي مبسوط اوي انك هنا 
ورد احم طب انا هستأذنكم 
وليداستني هنا رايحة فين
مسك ايدي بس انا سيبته و مشيت شوية جه ورايا عيطت ڠصب عني وانا بقول
انا وحشة و انانية و مبفكرش غير ف نفسي و عمري ما سئلت عنك و عن عيلتك و عن حياتك و فوق كل ده انت استحملتني ف اسوء حالاتي بس والله يا وليد انا اكتشفت اني مش بحبه ولا حاجة و لمه جه يومها كان بيعتذر و انا رفضته عشانك و  
الدكتوربعد اذنكم المړيضة فاقت تقدروا تدخلولها دلوقتي عندها شوية كسور بس هتبقي كويسة ان شاء الله 
وليدشكرا جدا يا دكتور 
رحنا كلنا عشان نشوف اخته و عرفت اهله كلهم ناس محترمين جدا اكيد يعني مش وليد ابنهم 
اخته هو انتي ورد بقي يا جميلة فعلا اسم علي مسمي اتاريك ذوقك حلو يا ولا واحنا مش عارفين 
ورد ياختااي علي الإحراج
اخته لا إحراج ولا حاجة وليد كل شوية ف سيرتك 
يارب يكون بالخير 
وليدوانا اقدر برده اقول غير كده ورد صحيح انتي كنتي عايزة تجيبي حاجة من بره صح تعالي نطلع
اخته علي اختك يا واد الله يسهلوا 
طلعنا واحنا بنهزر و بعدين قلبت وشي ما انا مقدرش منكدش عليه 
وليدخير يارب ليه بوز الشبرين ده
ورد مين حبيبتك القمورة
وليد بغمزانتي 
انا مبهزرش علي فكرة بتكلم علي اللي اخدتك بالحضن ولا اكنك ابن اختها
ابووي انا علي اللي بتغير يا ناس
بتماطل و مش عايز تقولي هي مين قولي عندك كام طفل 
بضحكدي تبقي بنت خالتي اللي اكبر مني بسنتين و زي اختي بالظبط
اااه بنت خالتك ما تقول كده يا راجل عادي يعني اما تاخدك بالحضن فيها ايه
واختي ف
الرضاعة 
اووف الحمد لله 
وحشتيني
اممم وانت بس مش اوي 
بتعرفي تطبخي 
لا
علي بركة الله
بصيت في عينيه وهو بيبتسملي و قولت لنفسي صدقت أم كلثوم لمه قالتيا اللي ظلمتوا الحب وقلتوا وعدتوا عليه
قلتوا عليه مش عارف إيه العيب فيكم يا في حبايبكم أما الحب أما الحب يا روحي عليه يا روحي عليه
تمت
متنسوش تقولوا رأيكم 
روان حسن