حكاية احببت شبح
رد إيه يا ابتهال
ابتهال إيوه يا حاج صابر الحاج بيسأل اخبار ياسمين دلوقتي إيه
صابر اتنهد لسه في اوضته العمليات لما تخرج هبقي اطمنكو
ابتهال طيب يا حاج وراحت قفلت وقالت لجد ياسمين لسه في اوضه العمليات يا حاج
الحد بدموع منك لله يا كريمه آنتي وبنتك ياسمين بس تقوم بالسلامه بس وربنا لاخدلك حقك
ابتهال بابتسامه انشالله هتبقي زي الفل يا حاج
بعد شويه يونس وصل المستشفى لاقي كله قاعد راح جمب جاسر وقال بقلق ها في اخبار
جاسر بصله لا لسه انشالله هتبقي زي الفل
يونس بهمس يارب وبعدين بص لكريمه حته بصه زي مايكون بيتوعد ليها وكريمه خاڤت جدا من البصه
بعد 3 ساعات الدكتور خرج من اوضه العمليات
يونس راح لدكتور بسرعه طمنى يا دكتور ياسمين عامله اية
كلهم فرحو
يونس بفرحه طب وهنقدر نشوفها أمته يا دكتور
الدكتور شويه كده بس تكون فاقت مفعول البينج راح
صابر بشكر متشكرين جدا ليك يا دكتور
الدكتور بأبتسامه الشكر لله بعد اذنكم
فاطمه بتنطيط بطفوله وبفرحه ياسمين بقت كويسه هيه ياسمين كويسه هييييييه
جاسر باصص ليها ومتنح علي شكلها بحب آه نسيت اقولكو جاسر بيحب فاطمه من صغرهم وشايفها غير أمها وابوها خالص كان مستني يخلص المهمة إللي كان فيها ويكلم أبوه ويقوله إنو عايز يخطبها
يونس شافه متنح كده قرب عليه بخبث وقال أوبا مالك وقعت يا باشا ولا إيه
يونس بضحك اطمن بس علي ياسمين وتقوم بالسلامه واوعدك هخلي خطوبتي أنا وإنت في يوم واحد
جاسر بفرحه بجد ونبي
يونس بضحك بجد
ايمن قرب منهم وقال بتذمر طفولي وانا فين انا عايز اتجوز صبايا
يونس وجاسر ضحكو وانت كمان
بعد ساعه ياسمين صحيت
ياسمين بۏجع آه يا دماغي منك لله يا مصفه الكلب دانتى مسموكيش صفاء دول يسموكي عقراء قرفاء لكن صفاء دى مش ركبه معاكي اما وريتك
ياسمين شوفت يا عمو عقراء عملت فيا ايه والله لوريها اااه
صابر ضحك قومي بس بالسلامه وعملي فيها إللي آنتي عوزاه
يونس قرب من ياسمين بحب حمد الله على سلامتك يا حبي انشالله أنا وإنتي لا
ياسمين بصتله بكسوف ومردتش
يونس ابتسم علي كسوفها
كلهم قربو اطمنو عليها وقاعدو شويه وبعدين صابر قالهم يروحو وواحده من البنات تجيب لبس لياسمين
تآني يوم فاطمه جت وجابت لياسمين هدوم ليها
ومبقاش فيه أحداث
بعد 3 أيام
جه معاد ياسمين إنها تخرج من المستشفى علشان بقت كويسه آوي خرجت وراحت علي البيت
دخلت كله رحب بيها ولسه صفاء محپوسه في إلاوضه بيدخلو ليها الاكل والشرب بتاعتها بس مش بتخرج
ياسمين دخلت عند جدها وهي رابطه دماغها بالشاش
الجد بفرحه ودموع حبيبتي حبيبتي الف حمدلله على السلامه يا قلب جدك انشالله عدوينك
ياسمين ابتسمت وحضنت جدها الله يسلمك يا جدو شوفت بنت بنتك عملت فيا ايه
الجد پغضب هخلى نهار إللي جابوها اسود
ياسمين بتوعد لا معلش يا جدو ده حقي أنا وإنا إللي هاخدو
الجد برحتك يا قلب جدك بقولك ايه يا ياسمين في موضوع عايزه أكلمك فيه
ياسمين بأستغراب موضوع إيه يا جدو
الجد يونس طالب ايديكي
ياسمين اټصدمت إيه
الجد لياسمين يونس طالب ايديكي
ياسمين پصدمه اية مين فين إزاي أمته
الجد بأستغراب مالك يا ياسمين متركزي شويه بقولك يونس طلب ايديكي عايز يتجوزك آنتى إيه رأيك
ياسمين بتوتر ما هو ماا هو إللي تشوفه يا جدو وبعدين قامت من علي السرير بسرعه وخرجت بره
الجد ضحك عليها
ياسمين دخلت اوضتها وقفلت الباب وهي بتاخد نفسها وقلبها بيدق فضلت تتضحك وتطنط وفرحانه جدا إن يونس طلب أيديها لحد ما دماغها وجعتها
ياسمين بۏجع وهي بتحط أيديها على دماغها آه يا دماغي إللي يحرقك يا عقراء وبعدين قالت بحب حبيبي يا يونس إنا كنت ناويه اعذبك بس لا بلاش العمر مفهوش كتير وبعدين انا هبله اصلا يلا يلا
المسامح كريم هي هييييييييييه
بعد شويه ياسمين خرجت من الاوضه بعد ما غيرت
وماسكه دماغها علشان فيها صداع بسيط وراحت علي اوضه ايمن خبطت ادخل
ياسمين بأبتسامه حضره الظابط فاضي
ايمن اتعدل علي السرير وقال بهزار ولو مش فاضي افضالك يا باشا أنا ليا غيرك تعالي
ياسمين ضحكت وبعدين راحت قعدت في الكرسي اللي جمب السرير بس طبعا سايبين الباب مفتوح
ياسمين عايزه اقولك حاجه
ايمن جول يا برنس
ياسمين ضحكت وبعدين قالت يونس طلب أيدي من جدو
ايمن پصدمه يا راجل
ياسمين بأبتسامه والله
ايمن عملها إزاي إبن اللقيمه ده
ياسمين معرفش هو جدو لسه قايلي
ايمن بخبث طب وانتي ايه رايك مصممه في العڈاب ولا ايه
ياسمين اتنهدت لا خلاص أنا بحبو يا ايمن بس أنا مدايقه منو في الكدب عليا بس العمر مش في باقي لازم نعيش حياتنا مع اللي بنحبهم
ايمن ضحك يا سيدي يا سيدي يا عيني ياعيني فين صبا تسمع الكلام ده
ياسمين آه صح إنت ناوي تقولها أمته
ايمن لما نرجع بعون الله
ياسمين طب افرض جالها عرسان واتخطبو
ايمن بخضه مين ده فال الله ولا فالك وبعدين قال بثقه إنا أساسا مخلي واحد زي البغل كده واقف تحت العماره علشان يعرف مين طالع ومين نازل ولو لاقي أي شاب داخل العماره يسالو لو لاقه إن هو العريس يعمل معاه السليمه علي طول إنا مش أي حد برضو
ياسمين ضحكت يا عبيط يا أهبل إنت بجد مش طبيعي
ايمن ضحك اومال يعني اخلي البت تضيع مني
ياسمين لا طبعا مينفعش
ايمن أهو
ياسمين طيب فين بقي الزفته عقراء
ايمن ضحك عقراء مين دي
ياسمين صفاء يا أخويا معانه الاسم مش راكب علي الشخصيه
ايمن ضحك
ياسمين ها فينها بقي
ايمن حابسها في اوضه الضيوف وكل ما امها تيجي علشان تطلعها اهددها تدخلها مكانها ترجع زي إلفار المبلول اوضتها تأنى هههههه
ياسمين هههههه لا جدع وديني عندها بقي
ايمن قام عيني للجميل انت تؤمر يا قمر اتفضلي قدامي
ياسمين ضحكت وقامت طلعو من الاوضه وراحو لاوضه اللي فيها عقراء قصدي صفاء
ايمن فتح الباب ودخلو ياسمين صفاء كانت قاعده علي السرير شافتها قامت پغضب وكانت رايحه تضربها بس أيمن مسكها بسرعه وقال پغضب إنتي مش بتحرمي ها أعملك إيه تآني آكتر مانا حبستك هنا
صفاء وهي بتحاول تسيب نفسها من ايمن پغضب اوعي سيبني اضړبها
ياسمين وهي بتشمر وبتقول وليه يا حبيبتي أنا هعملك
________________________________________
إللي آنتي عايزاه تعالي بقي ياسمين شدت صفاء وفضلت تتضرب فيها من رغم ۏجع دماغ ياسمين بس هي مش حاسه بيها قد ما كانت عايزه تاخد حقها منها فضلت ټضرب فيها وصفاء تصرخ من الۏجع وبقت تحاول إنها ټضرب ياسمين بس هى مش مدايها فرصه وايمن واقف ومربع ايده وبيبص لصفاء بشامته كل العيله جت علي صوت صړيخ صفاء دخلو اټصدمو لما شافو ياسمين فوقيها وعماله ټضرب فيها
كريمه بصړيخ وبتحاول تشيل ياسمين من علي بنتها اوعي من علي بنتي يا حيوانه انتي
ياسمين بصتلها اوعي يا وليه انتي بدل ما اجيبك جمبها
كريمه بعدت عنها پخوف بس كانت خاېفه على بنتها
صابر بضحكه مكتومه خلاص يا ياسمين قومي بقي
ياسمين بصت علي منظرها بانتصار علشان خاطرك بس يا عمو وبعدين بصت لصفاء اسمعي يا بت انتي لو لسانك طول عليا تآني هعمل فيكي اكتر من كده سامعه ولا لا هاا
صفاء هزت راسها بسرعه وخوف
ياسمين ايوه كده بعد اذنكو بقي علشان إنت تعبت واروح انام
كلهم اتفضلي
ياسمين دخلت اوضتها وبعد كده نامت من التعب
تآني يوم الجد قال لجاسر يطلع صفاء من الاوضه وطلعها وبعدين طلب منه انه يجيبها عندو في إلاوضه
صفاء دخلت لجدها وشها كان وارم بصلها بهدوء
الجد بهدوء قال تعالي خشي يا صفاء
صفاء دخلت بهدوء
الجد بهدوء قال تعالي اقعدي
صفاء قعدت قدامه
الجد ينفع إللي آنتي عملتيه ده
صفاء يا جدو ماهو قاطعها
جدها بصرامه بقولك ايه ياسمين من ساعه ماجت هنا وانتي وامك حطينها في دماغكو مش عارف ليه معاني البنت مكنش ليها أي علاقة بيكو واول مرة تشوفكو خلقتي عداوه من الهوا بس علشان امك عايزه كده صح
صفاء نزلت راسها بكسوف
الجد مترميش ودانك لامك يا صفاء أمك كانت پتكره ام ياسمين معاني ام ياسمين كانت بتعمالها بكل حب بس امك قلبها اسود علشان شايفه أم ياسمين محبوبه من الكل كرهتها وافتكرت إنها أحسن منها واننا بنحبها آكتر منها بس لا كلهم هنا ليهم ماعزه وآحده بس أمك مكنتش حاسه بكده آنتى عارفه سلعه فرح أمك على ابوكي أم ياسمين كانت بتخدم بعينها وكانت دايما تقول كريمه دي اختي اللي امي وابويا مخلفوهاش بس امك مكنتش شايفه غير حقدها بس وإنا مش فاهم ليه هي أمك مش بنتي بس قلبها اسود ومبتحبش حد واهو من غير ما البت مانعمل حاجه خليتك تكرهيها ينفع المنظر إللي آنتي فيه ده ياسمين إللي عرفتو عنها أنها شرسه مش بتسيب حقها لو حد جه عليها طب إنا عايزه
أسألك سوال شوفتي منها حاجه لما جت البيت لأول مره
صفاء بكسوف لا يا جدو بس برضو انت مش شايف عملت فيا ايه وكانت بتعمل ايه قبل كده
الجد عملت فيكي ليه كده علشان آنتي إللي بدأتي من الأول وشتمتيها اوعي تفتكري علشان أنا نايم علي السرير مش عارف إللي بيحصل في البيت أنا عارف كل حاجة بس مش مدي رد فعل كان إيه لازمتها إنك توقيعها من علي السلم
صفاء علشان شتمتني يا جدو
الجد ابتسم بسخريه وهي يعني شتمتك من الباب للطق كدة من غير ما تعملي حاجه بصي يا صفاء أنا كنت حالف إن ياسمين تقوم بالسلامة وامشيكي انتي وامك من هنا
صفاء بخضه تمشينا منين يا جدو وانت عارف اننا ملناش غيرك
الجد شوفتى آنتي قولتي اية ملكوش غير طب اليتيمه دي مين يبقى ليها علي الاقل انتي معاكي أمك وابوكي عايش وبتروحي تشوفيه بس هي بقي ملهاش غيرنا إحنا آنتي المفروض تقفي في وش التخين علشانها مش تعملي عدواه بينك وبينها طب انتي مش بتسألي بينك وبين نفسك هي ليه مش بتعمل كده مع عزيزه وفاطمه علشان هما حبوها من اول استقبال مش فاطمه أختك بس استقبلتها كويس ومسمعتش لامك زيك صلحي علاقتك مع ياسمين يا صفاء انتو ملكوش غير بعض
صفاء بأبتسامه حاضر يا جدو
الجد ابتسم ربنا يهديكي يا بنتي ومتسمعيش لكلام إمك تآني
