حكاية نيرة وسليم
عايزه اروح الكليه واشوف شكلها
حرك كتفيه بلا مبالاه وقال
لو عندك استعداد تقابلي الناس هناك ويقولولك انتي الي صورك كانت نازله علي نت يبقي تمام هبقي اشوفلك حد يروح معاكي
لتقول هي بتوتر
هما مش
ممكن يكونوا مشافوش الصور
حرك راسه بالنفي وهتف
لا مش ممكن الصور اتعملها شير والدنيا كلها شافتها
انا همشي دلوقتي واجيلك بعد يومين تكوني فكرتي عايزه تدخلي ايه
_ بلاش تقفل عليا وتحبسني انا عايزه اخرج واروح ازور عمو شريف وطنط
_ تزوري مين !! بابا وماما مش طايقين يشوفوا وشك اصلا
_ طب انا اسفه الي حصل ڠصب عني مفروض اعمل ايه يعني علشان هما يسامحوني والناس تنسي الصور
كشرت بوجهها وهتفت بضيق
وطبعا هتقفل عليا وتحبسني
ليقول هو بتاكيد
طبعاا عليكي نورر
دلفت ناديه الي
غرفه فادي لتجده ممد علي الفراش وينظر
الي سقف
الغرفه بشرود تام لم يشعر من الاساس بوجودها ..
جلست ناديه بجانبه وهتفت
انتبه فادي اليها ثم اعتدل في جلسته قائلا
انا تمام مفيش حاجه
_ لا مش تمام ابدا من يوم جواز نيره وانت حابس نفسك ولا بتاكل ولا بتشرب ليه كل ده !! ماهي كانت هتجوز صاحبك وكنت مبسوط وقولت المهم تكون سعيده مينفعش تعمل في نفسك كده علشان بقت مرات اخوك
_ لا مش كده انتي فاهمه غلط نيره بنسبالي زي اختي انا كنت عايز اتجوزها بس علشان بنت عمي وانا احق بيها من الغريب يا ماما المشكله عندي مش بسبب جوازها من سليم
المشكله اني انا السبب في كل حاجه حصلت لو مكنتش خدتها عيدالميلاد حازم مكنش هيشوفها ومفيش اي حاجه كانت هتحصل
_ مش ذنبك يا حبيبي متحملش نفسكرحاجه مش بايدك نيره هي الي عاندت وكانت فاكره حركاتها دي هتغيظ سليم
صمت فادي ولم يجيبها بشئ فوالدته مهما اخبرها لم تفهم انه هو المذنب وليس نيره !!
لسه لحد دلوقتي اشرقت معاه ايه التناحه دي اتجوز غيرها وهي لا اي احساس شويه سينس كده مفيش
زفرت بقوه وهي تسند يديها علي الاطار الحديدي هاتفه
خليني انا كده محپوسه زي القرده
_ بسبسبس
الټفت خلفها الي ذلك الصوت لتجد فتاه تقف في الشرفه التي بجانبها حركت نيره راسها باستفهام لتقول الفتاه ضاحكه
ابتسمت لها نيره ببرود هاتفه
معلش اصلي مجنونه شويه فبكلم نفسي عندك مانع ولا حاجه !
_ لا اكيد سوري لو سؤالي ضايقك بس انا ومامتي لسه ساكنين جديد وده اول يوم لينا ولقيتك واققه لوحدك قولت اتعرف عليكي
ثم تابعت بتساؤل
ممكن اتعرف عليكي ولا ايه !
_ نيره
_وانا فرح في سنه كام بقي يا نيره !
_ رايحه اولي جامعه
_ بجد ! انا كمان رايحه اولي جامعه جبتي كام مجموع
_ مجموع مش حلو بس انا هقدم علي خاص اصلا
ضحكت فرح هاتفه
بصره زي بعض يعني ناويه تقدمي علي ايه !
_ معرفش لسه بفكر
_ انا ناويه اقدم علي اعلام انتي مجموعك كام يا بنتي قولي انا زيك مجموعي زفت
_ 60
حلو تجيبك اعلام ايه رايك تقدمي معايا اعلام ونروح ونيجي سوا !
_ لا ماهو انا مش هروح غير علي الامتحانات
تسائلت فرح باستغراب
ليه !
_ سليم مش موافق قالي روحي الامتحانات بس
_ مين سليم اخوكي !
_ لا اب
بترت عبارتها ثم هتفت
اه اخويا
_ فهميه ان الكليات لازم حضور فيها علشان الدرجات وكده يعني وان شالله يوافق
وصل اليها صوت عايده وهي تهتف باسمها فهتفت
طنط عايزاني هروح اشوفها
_ قصدك مامتك !
حركت نيره راسها بالنفي هاتفه
لا طنط عايده واحده جايبها سليم تقعد معايا
قالتها ورحلت لتقول فرح
هستناكي
تجاهلت نيره كلماتها تلك وهتفت لنفسها
استني مع نفسك بقي
وبعد مرور عدده ايام..
شعرت بالملل من العبث في التلفاز نهضت من مكانها ثم اتجهت الي الشرفه وظلت تنظر الي الشرفه التي بجانبها
_ ما كنتي متلقحه واقفه قبل كده اختفيتي دلوقتي !!
قالتها بضيق واضح وهي تنظر امامها
ثم هتفت
حتي البت الي مكنتش طايقها اختفت
_ هو انا كل ما ادخل البلكونه كده القيكي بتكلمي نفسك !
قالتها فرح لتلفت اليها نيره هاتفه
اعمل ايه يعني مفيش حد اكلمه ومحپوسه في الشقه الزفت دي
_ مين حابسك اخوكي !
حركت راسها بنعم لتقول فرح
مامتك وباباكي فين في كل ده !
ابتسمت بحزن هاتفه
ماما ماټت وانا صغيره خالص وبابا مبيحبنيش رماني وماصدق خلص مني
_ ربنا
يرحمها يارب طيب ليه اخوكي بيعمل معاكي كده !
فاكر انه كده بيربيني
_ معلش متزعليش نفسك انا يا ستي اهو موجوده اي وقت تكوني زهقانه فيه اندهي عليا بس وهطلعلك في ثانيه قررتي
ظلت تتحدث
مع فرح اكثر من ساعه ثم دلفت من الشرفه وهي تبتسم بارتياح ..
فرح تلك ظهرت اليها نجده من السماء لولاها كانت ستجن من الحپسه تلك ..
اختفت ابتسامتها عندما وجدت سليم يجلس برفقه عايده وهتفت
انت جيت امته !
_ من شويه قوليلي مين البت الي بتكلمي معاها من البلكونه !
_ حالا عرفت ياباااي واحده اسمها فرح صحبتي اتعرفت عليها وبنتكلم سوا فيها مشكله دي
_ اه فيها اياكي تدخلي
البلكونه دي تاني ولا اقولك انا هقفلهالك خالص
_ حرام عليك يا اخي حرام عليك حتي شويه الهواء وكلمتين الي بتكلمهم مع البت عايز تمنعني عنهم خلاص انا غلطت غلطت اعمل ايه علشان تنسوا وتسامحوني مكنتش عارفه انا بعمل ايه
قالتها صاړخه به ليقول سليم
غلطتك ملهاش مسامحه يا نيره
_ ان شالله عنكم ماسمحتوا
قااتها بانفعال
_ بكره هنروح نسحب الملف ونقدم علي الكليه استقريتي هتدخلي ايه ولا لسه !
_ هدخل اعلام
_ اووه اعلام مره واحده
اجابته هي باقتضاب
اه اعلام مره واحده مش عجباك زي كمان
تجاهل كلماتها ثم اتجه ناحيه الشرفه وهتف الي عايده
هاتي شاكوش يا عايده وكام مسمار ولو نيره دخلت البلكونه تاني هحاسبك انتي
اومات راسها بالايجاب عايده ورحلت لتقول نيره برجاء
احنا بنتكلم عادي مع بعض حتي خلي طنط تقف وتسمع بلاش تقفل البلكونه وتسيبني كده بكلم الحيطان يرضيك اټجنن يعني !
_ ماشي يا نيره هسيبك تتكلمي معاها بس لو حصل اي غلطه كده ولا كده مش هحبسك في الشقه واقفل البلكونه بس لا
اشار بعينيه ناحيه الغرفه وقال
هحبسك في الاوضه حتي الاكل مش هتشوفيه
_ اقولك حاجه وتسمعها بس متعتبرهاش غلطه وتقفل البلكونه
_ خير
_ انا بقيت بكرهك اووي
قالتها ورحلت من امامه ودلفت الي الغرفه
وفي صباح يوم جديد
انتهت من تقديم اوراقها في الجامعه ..
هتفت الي سليم
اهو محدش عرف حاجه ولا قال انتي الي صورك كانت نازله
_ ومطلوب
_ انزل احضر المحاضرات في الكليه هروح واجي مع فرح ومش هعمل اي حاجه غلط
_ معتقدش في غلط تاني اكبر من الي عملتيه
زفرت بقوه وهتفت
هو قالي انه عيان وانا روحت اشوفه وڠصب عليا اشرب فضل يقولي اشربي اشربي وبعدين مش فاكره اي حاجه صحيت لقيت نفسي في اوضته علي سريره مش فاكره اي حاجه حصلت
_ اي كان الي حصل اهو ضيعتي نفسك
_ لو كنت حبتني مكنش حصل كل ده
هتف بنفاذ صبر
لسه بتكلمي في الحب تاني يا نيره
_ لا ما انا خلاص دلوقتي بعد ما حپستني زي القرده في الشقه كرهتك
_ طب الحمدالله يارب تفضلي كرهاني كده دايما
_ هي الصور لسه موجوده علي نت ولا اتمسحت
اجابها هو
اتمسحت بس مش هتفرق لان الكل شافها خلاص مش معني ان محدش لاحظ في الجامعه يبقي خلاص الناس نسيت
_ طب اغير شكلي
ضحك هاتفآ
هتعملي عمليه تجميل ولا ايه !!
_ لا يا روش اقص شعري واغير لونه البس لنسيز ونضاره احط ميكب كتير واغير شكلي كده يعني
_ وكده انتي غيرتي شكلك صح !
قالها ساخرآ لتقول نيره
امال اعمل ايه يعني انا غلطت وندمانه وبضرب نفسي بالجذمه القديمه اعمل ايه افضل طول عمري بدفع تمن الغلطه دي
_ حازم بعت بس للمعازيم صور وشك ظاهر فيها اما الي نزلو علي النت وشك مكنش ظاهر فيها وبابا كلم وحد مسحهم
تنهدت بارتياح هاتفه
ولما الدنيا حلوه كده مقولتليش ليه
لم يجيبها بشئ لتقول هي
كده انا ممكن انزل الجامعه مع فرح
صح
_ لا ومش عايز اي كلام في موضوع ده
_ حرام عليك انت بتعاقبني علي ايه انت السبب في كل حاجه حصلتلي
اوقف سيارته امام المنزل وهتف
خلصنا يا نيره
منذ اخر لقاء بينهما ورفضه ان تذهب للجامعه امتنعت عن تناول الطعام والتحدث الي فرح ..
فقط تجلس في الغرفه ..
وفي الخارج تتحدث عايده في الهاتف مع سليم الذي يقول
براحتها لما الجوع يقرصها هتاكل ڠصب عنها
انهي المكالمه معها لتقول اشرقت التي تجلس امامه
مانعه الاكل علشان مش عايز تنزلها الجامعه
_ تخيلي ! لكن المصېبه الي حصلت قبل كده الهانم ولا في دماغها سلمت نفسها لواحد وصورها كل ده مش همامها اصلا
تنهدت اشرقت هاتفه
معلش هي لسه صغيره وشايفه ان موضوع خلص يعني انت اتجوزتها والصور اتمسحت فخلاص
صمتت قليلا ثم قالت
خليها تنزل الجامعه وكلم صحبتها دي تخلي عينها عليها اي حاجه تعملها نيره تبلغك بيها مش معقول يعني يا سليم هتفضل حابسها كده العمر كله
دلف الي المكان الذي يجلس به كلآ من خالد ويوسف رفاقه ثم هتف بجمود
نعم عايزين ايه
_ طب اقعد يا فادي مش هنتكلم واحنا واقفين يعني
قالها يوسف
بلطف ليقول فادي
مش طايق اقعد معاكم اتصلتوا عايزين تقابلوني واهو جيت نعم
_ احنا فاهمين ان الي حصل لبنت عمك صعب بس يعني
حازم طلعك منها وانت مش عليك اي حاجه
_ انتو شايفين كده وحياتها الي ادمرت بسببكم دي ايه !!
لا مش بسببنا في حاجه انت لازم تعرفها
قالها يوسف ليقول خالد بتحذير
يوسف
نظر اليه يوسف قائلا
ايه علي اقل يعرف ان احنا ملناش دعوه
_ انطقوا
