حكاية خلخال حليمه لكاتبتها ايه عرفات
حطيت الورقه من ضمن الاوراق اللي المفروض تمضي عليها وانت مضيت
مراد انا عمري ما هسامحك وحليمه انا هرجعها واعتبريه وعد مني ليكي
مراد خد عربيته وكان مخڼوق ومشي
حليمه اول ما وصلت القاهره ما كانتش عارفه تروح فين اول ما جه في بالها تروح راحت عند خالتها
خالتها اول ما شافتها
الخاله حليمه حبيبتي تعالي اتفضلي نورتي البيت
حليمه ازيك يا خالتي عامله اي
الخاله انا
كويسه والله يا بنتي انا زعلت يا حبيبتي من اللي حصلك معلش بكره ربنا يعوضك باحلى منه
حليمه سمعتي اي بالظبط
الخاله سمعت انك اتطلقتي يوم فرحكم بس بصراحه ما اعرفش السبب اي بس مش مشكله يبقى هو مالوش خير فيكي
الخاله انت تنوري في اي وقت يا حبيبتي
حليمه ربنا يخليكي انا بس هقعد عندك يومين تلاته لحد ما اشوف سكن اقعد فيه
الخاله انتي تقعدي زي ما انتي عايزه يا حبيبتي قلتلك قبل كده ده بيتك
حليمه تسلمي يا خالتي ربنا ما يحرمني منك ابدا
الخاله طب تعالي يا حبيبتي ارتاحي شويه لحد ما احضرك لقمه تاكليها
حليمه دخلت عشان ترتاح وخالتها دخلت تجهزلها الاكل شريف جوز خالتها دخل المطبخ
شريف هو في ايه بالظبط يا عزه
شريف هي المشرحه ناقصه احنا عارفين نمشي نفسنا عشان نجيب واحده كمان نصرف عليها
عزه معلش يا حبيبي هتقعد عندنا يومين اتنين بس وبعد كده هتشوف لها مكان تقعد فيه
شريف وهي مش المفروض تقعد مع امها في الاسماعليه ايه اللي جابها القاهره
عزه اصلي يا حبيبي جوزها طلقها يوم دخلتهم والناس بتقول عليها كلام مش بطال عشان كده هربت من كلام الناس وجات على هنا معلش يا ابو العيال استحملها بس يومين اتنين وهي هتمشي
شريف يومين بس دي تقعد وتنور وتقعد العمر كله ولو ما شالتهاش الارض اشيلها فوف راسي
حليمه كانت ملاحظه كل نظراته ليها بس كانت بتكذب نفسها
عزه ده بقى يا حبيبتي شريف جوز خالتك
حليمه ماده ايديها عشان تسلم عليه وهو ماسك في ايديها جامد وغمزلها
حليمه شدت ايديها منه بړعب
حليمه طب بعد اذنك يا خالتي انا عايزه ارتاح شويه ممكن تسيبيني ارتاح طب مش هتاكلي لقمه يا حبيبتي
حليمه لا يا خالتي انا مش عايزه اكل
تصبحي على خير
عزه وانتي من اهل الخير يا حبيبتي
في البيت عند ام مراد تليفون حازم رن
حازم هي دينا انتي ما بتزهقيش كل شويه رن رن
دينا في ايه يا حازم انت بتكلمني كده ليه
دينا يعني ده جزاتي اني انا بحبك وانك وحشتني
حازم بلا بحبك بلا زفت بقى يلا اقفلي وهقابلك في الجامعه بكره سلام
حازم قفل في وش دينا ودينا فضلت ټعيط جدا
تاني يوم في الكليه دينا دخلت على حازم وهو واقف مع اصحابه
دينا لو سمحتو يا شباب انا عايزه حازم في كلمتين
دينا شدت حازم من ايده من وسط اصحابه
حازم انتي اي الهبل اللي انتي عملتيه ده
دينا ممكن اعرف في ايه مالك متغير من ناحيتي ليه
حازم مافيش علاقتنا بقت تقرف وانا عايزه افض العلاقه دي
دينا ودموعه في عينيها
دينا تفضي العلاقه علاقتنا بالنسبالك بقت حاجه تقرف
حازم لاني ما فيش جديد اللي بنصحى فيه بنام فيه ودي بقت علاقه ممله
دينا يعني انت قصدك اي هتسيبني
حازم انا بفكر والله اني انا اسيبك بس لحد الان ما قررتش بس لو فضلتي بالاسلوب ده انا هسيبك وفورا
بعد اذنك حازم ساب دينا ورجع لاصحابه
كريم اي يا باشا مالها البنت دي عايزه اي
حازم سيبك منها دي بت هبله
محمد قولنا بس عايزه منك اي وليه زعقتلها كده مع ان البنت حلوه ما تستاهلش انك تزعقلها
حازم بقولكم اي يا جماعه غيرو الموضوع انا ما بقتش طايق اتكلم مع البنت دي
كريم ليه بس في اي
حازم بت قفل كده وكل ما اقولها حاجه تقولي لا تيجي نخرج لا تيجي نقعد في كافيه
