حكاية حامل في توأم الاول
25 سنه يادوب الحق اخلف دلوقتي واعرف اربي واكبر
شريف
عادي يا اماني في ستات بتحمل لحد سن الأربعين وبرضو بيربو وبيكبروا يعني متفكريش نفسك كبيره اوي يعنى انتي عارفة اني دكتور نسا وفاهم كويس انا بعمل ايه واكيد هبقا عارف حالتك وخلاص بقا مش عايزين نتكلم في الموضوع ده تاني تمام يلا تصبحي على خير
وسبني ودخل اوضتة وفضلت اعده افكر في عمري اللي بيجري من غير اولاد وقولت يارب اكون ام زي بقيت البنات
مروة
خلاص بقا يا اماني اكيد الدكتور شريف يعرف اكتر منك في الأمور اللي زي دي وبعدين ماهو بيديكي العلاج
عشان ربنا يكرمك والعملية تتعمل مش تقعدي كل شوية تزني عليه الرجالة بتزهق ياحبيبتي
اماني
ده دكتور يا مروة والمفروض انه يكون عنده حلول كتير للمشكلة اللي احنا فيها ده خلا ماما تقولي هو باب النجار مخلع
ههههه والله مامتك دي عسل بس يمكن هي معذورة برضو اكيد نفسها تشوف ولادك بس انا متفائله خير وان شاء الله ربنا هيكرمك وتبقى مامي قريب ياحبيبتي لانك طيبه وتستاهلي كل خير يا اماني
أماني
تسلميلي يامروة والله لوما انتي معايا في البيت ده مكنت استحملت اقعد فيه يوم واحد بسبب حماتي وكلامها هي والست داليا سلفتنا
ليه هي داليا زعلتك في حاجه
اماني
بتفضل هي وحماتي يلقحو عليا بالكلام وانا اقعده معاهم عشان برضو الخلفة مش عارفه الاقيها من مين ولا مين
مروة
ولا تحطي في دماغك الكلام ده هما طبعهم كده الرغي وبس وبعدين انتي عارفة الست داليا من ساعت مادخلت البيت وفضلت تلف حوالين حماتي وتعملها شويتين الحنية بتوعها عشان تاخدها في صفها وحماتي بقا متعملش معاها زي مابتعمل معانا دي بت سوسه
ربنا يهديها عني يامروة بجد لحسن انا مبقتش مستحمله كلمة من اي حد خالص
وكنت في يوم تحت عند حماتي وجات بنت اختها تزورها وانا بفتحلها الباب بقولها
اهلا وسهلا ازيك يامي نورتي ردت عليا ببرود وقالت
اهلا يا اماني ياترى خالتو موجوده
اماني
اه موجوده اتفضلي ادخليلها
ودخلت مي وسلمت على حماتي واعدت معاها
